Павлодар тұрғыны абайсызда полицей бауырының қызметтік тапаншасымен өзін атып, көз жұмды

Павлодар тұрғыны полицей болып жұмыс істейтін бауырының қызметтік тапаншасын алып, абайсызда оқ атқан. Ол алған жарақаттан оқиға орнында көз жұмды, ал полиция қызметкері қылмыстық жауапкершілікке тартылды. Бұл туралы Павлодар қалалық №2 сотының үкіміне сілтеме жасаған KAZ.NUR.KZ хабарлайды.

Сот үкімінде оқиға 2022 жылдың қараша айында болғаны айтылған. 20 жастағы конвойлық ротаның қызметкері туыстарының үйінде тұрған болатын.

Сот мәліметінше, полицей түскі асқа үйіне барған, ал біраз уақыттан кейін үйге бөле бауыры да келген. Ер адамдар бірге теледидар көріп отырған, кейін полицей жұмысқа жиналып жатқанда дәретханаға барып келмек болып, "Макаров" қызметтік тапаншасын мұздатқыш камераның үстіне қойып кеткен.

"Дәретханадан оқтың даусын естіген. Қонақ бөлмеге кірген кезде оң қолында "Макаров" тапаншасын ұстап жатқан бауырын көрген, ол алған жарақатынан артқа шегінген. Сотталушы туысына жүгіріп келіп, тізесінен жұлқылап, есімін атап шақырған, бірақ ол жауап бермеген. Кейін сотталушы полиция шақырған", - делінген Павлодар қалалық №2 сотының үкімінде.

Аталған іс бойынша Қылмыстық кодекстің 371 бабының 2-бөлігі ("Жауапкершіліксіздік") бойынша қылмыстық іс қаралды. Экс-полицей өз кінәсін толық мойындады.

Сондай-ақ сот үстінде марқұмның анасы оның ұлы мен жиенінің арасында бауырлық қарым-қатынас болғанын айтып, туысын бас бостандығынан айырмауды өтінген. Сот үкімімен сотталушы 2 жылға бас бостандығын шектеу жазасына кесілді.