"Қызғаныштан жанжалдасқан": Алматыда әйелді өлтірді деген күдікке ілінген ер адам ұсталды

Алматыда полицейлер әйелді өлтірді деген күдікке ілінген ер адамды ұстады. Бұл туралы Ішкі істер министрлігі Telegram-дағы ресми арнасында хабарлады.

Ведомство мәліметінше, қылмыс Алматының Түрксіб ауданында болған. 47 жастағы ер адам қызғаныштан жанжалдасып, танысын пышақтап, оқиға орнынан қашып кеткен деп күдіктелуде.

"Бірнеше сағаттан кейін оны Түрксіб аудандық полиция басқармасына қарасты полиция бөлімінің қызметкерлері ұстады. Күдікті Қылмыстық-процессуалдық кодекстің 128 бабына сәйкес, уақытша ұстау изоляторына қамалды", - делінген хабарламада.

Полицейлер Қылмыстық-процессуалдық кодекстің 201 бабына сәйкес, Қылмыстық кодекстің 99 бабымен тіркелген қылмыстық іс бойынша өзге ақпараттар тергеу мүддесіне орай жариялауға жатпайтынын атап өтті.