"Атыс пен айғай естіліп жатты": Ақтаудағы түнгі жанжал видеоға түсіп қалды (видео)

Ақтаудың 16-ықшамауданында түсірілген ерекше кортеж видеоға түсіп қалды. Видеодан атыс пен айғайдың дыбыстарын естуге болады. Бұл туралы Lada.kz басылымына сілтеме жасап KAZ.NUR.KZ хабарлайды.

Басылымның хабарлауынша, әлеуметтік желіде бүгін, 11 тамызда бірнеше жол талғамайтын көлік пен жеңіл көліктен құрылған кортеждің видеосы пайда болды.

Басылым мәліметінше, видеода атыс пен айғай анық естіледі. Бейнежазбадан жолаушылар көлік терезесінен қалай басы мен денесін толықтай шығарып алып, кетіп бара жатқанын көруге болады.

Куәгерлердің сөзінше, бұл жайт тамыздың 10-нан 11-не қараған түні Ақтау қаласының 16-ықшамауданында болған. Түнгі заңсыздыққа қатысушыларды арнайы жасақ ұстаған.

Басылым бұған қатысты сауал жіберіп, ресми органның жауабын күтуде.