Қарағандыдағы жантүршігерлік жол апатында ер адамды көліктер екі рет басып өтті

Қарағандыда жолды рұқсат етілмеген жерден кесіп өтпек болған 50 жастағы ер адам көлік астында қалып, қаза тапты. Оны көліктер екі рет басып өткен, деп хабарлайды өңірдегі полиция департаментінің баспасөз қызметіне сілтеме жасаған KAZ.NUR.KZ тілшісі.

Қайғылы жағдай 14 тамызға қараған түні Майқұдықтағы Магнитогорская көшесінде болған.

Қарағанды облысы полиция департаменті баспасөз қызметінің хабарлауынша, алдымен жаяу жүргіншіні ВАЗ-21099 көлігінің 22 жастағы жүргізушісі қағып кеткен. Оқиға шамамен кешкі сағат 22:39-да болған. Әлеуметтік желіде оқиға орнынан түсірілген видео жарияланды.

"Ер адам жолды рұқсат етілмеген жерден оңнан солға көлік бағытына қарай кесіп өткен. Осыдан кейін сол бағытта келе жатқан Chevrolet Cobalt көлігінің 32 жастағы жүргізушісі жаяу жүргіншіні көлігімен басып өткен", - деп хабарлады ведосмтвода.

50 жастағы жаяу жүргінші оқиға орнында көз жұмды. Полиция тергеу жүргізіп жатыр.

"Факті тіркелді. Тиісті сараптамалар тағайындалды, оның қорытындысы бойынша процессуалдық шешім қабылданады", - деп қосты Қарағанды облысының ПД-де.

Мәтіннен қате тапсаңыз, бізге жазыңыз