Балқашта жантүршігерлік жол апатынан 9 адам қаза тапты (фото, видео)
Опубликовано:
Балқашта жол апатынан 9 адам қаза болды, деп хабарлайды Telegram-дағы "ҚР ІІМ жаңалықтары" ресми арнасы.
Балқаш қалалық полиция бөлімінің бастығы Айткен Кадриннің мәліметінше, жол апаты 19 тамыз күні сағат 6:00 шамасында Балқаш-Приозерск тасжолында, Гүлшат ауылынан 5 шақырым жерде болған.
Анықталғандай тасжолда Toyota Camry 70 пен Honda Odyssey көліктері соқтығысқан.
"Салдарынан 9 адам оқиға орнында қайтыс болды. Бір жолаушы ауруханаға жеткізілді", - дейді Айткен Кадрин.
Полиция өкілі аталған дерек бойынша сотқа дейінгі тергеу амалдары басталып, тиісті сараптамалар тағайындалғанын атап өтті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2033125-balqasta-zol-apatynan-9-adam-qaza-tapty/