"Қаза болған және зардап шеккен адам бар": Ақтөбеде автобус пен жеңіл көлік соқтығысты
Жарияланған күні:
Ақтөбеде автобус пен жеңіл көлік соқтығысып салдарынан бір адам қаза болып, бір бала ауруханаға түсті, деп хабарлайды Telegram-дағы ІІМ жаңалықтары ресми арнасы.
Ведомство мәліметінше, жол апаты бүгін, 22 тамызда сағат 15:00 шамасында болған.
Анықталғандай, Ақтөбе қаласы Ө.Сейітов көшесінде ВАЗ-2107 автокөлігі мен DAEWOO автобусы соқтығысқан.
Салдарынан ВАЗ-да болған жолаушы алған жарақаттарынан оқиға орнында қайтыс болған. Сол көліктегі 10 жасар бала ауруханаға жатқызылған.
Полиция бұл факті бойынша сотқа дейінгі тергеп-тексеру басталғанын атап өтті.
Мақаланың түпнұсқасы: https://kaz.nur.kz/accidents/2033540-qaza-bolgan-zane-zardap-sekken-adam-bar-aqtobede-avtobus-pen-zenil-kolik-soqtygysty/
