"Қарыз үшін сөзге келіп, оқ атқан": Астанадағы төбелеске қатысты полиция пікір білдірді

Астана полицейлері жаппай төбелеске қатысушыларды анықтады. Қылмысқа қатысты негізгі күдіктіні ұстау бойынша шаралар жүргізілуде, деп хабарлайды Telegram-дағы ІІМ ресми жаңалықтары арнасында.

ІІМ мәліметінше, 5 қыркүйек күні полицияға оқ жарақаты фактісі туралы хабарлама келіп түскен.

"Таныс адамдар қарыз үшін сөзге келіп қалып, соңы төбелеске ұласқан. 31 жастағы ер адам травматикалық тапаншадан оқ атып, жасырынған", - делінген хабарламада.

Жедел-іздестіру іс-шаралары барысында полиция қызметкерлері төбелеске қатысқан адамдарды анықтады.

Полиция қылмысқа қатысты негізгі күдіктіні ұстау бойынша шаралар жүргізілуде. Қылмыстық кодекстің 293-бабының 3-бөлігі бойынша сотқа дейінгі тергеу амалдары басталып, сараптама тағайындалған.

"Қылмыстық-процестік кодекстің 201-бабы негізінде тергеу мүддесінде сотқа дейінгі тергеп-тексерудің өзге де деректері жария етілуге жатпайды", - деп хабардар етті министрліктен.