Түркістанда жолаушылар автобусы тұрғын үйге соғылды: зардап шеккендер бар (видео)
Жарияланған күні:
![Тұрғын үйге соғылған автобус Тұрғын үйге соғылған автобус](https://cdn.nur.kz/images/1120x630/a80daa6b870ace1d.jpeg)
Түркістанда бүгін жеңіл автокөлік жолаушылар автобусымен соқтығысып, салдарынан автобус жеке үйдің қабырғасына кіріп кеткен, деп хабарлайды KAZ.NUR.KZ облыстық ПД Facebook-тегі ресми парақшасына сілтеме жасап.
Облыстық полиция департаментінің хабарлауынша, жол апаты 18 қазанда Түркістан қаласындағы көше қиылыстарының бірінде орын алды.
Оқиға орнына келген полицейлер "Хундай Акцент" автокөлігі № 17 маршруттағы жолаушылар автобусымен соқтығысып, нәтижесінде автобус жеке үйдің қабырғасына кіріп кеткенін анықтады.
"Апат салдарынан автобустың бірнеше жолаушысы жарақат алып, оларға медициналық көмек көрсетілді. Сондай-ақ үйде егде жастағы ер адам болған. Оның денсаулығына төніп тұрған қауіп жоқ", - делінген хабарламада.
Қазіргі уақытта осы факті бойынша Қылмыстық кодекстің 345-бабы "Көлік құралдарын басқаратын адамдардың жол жүрісі немесе көлік құралдарын пайдалану ережелерін бұзуы" бойынша сотқа дейінгі тергеу басталды.
Облыстық ПД оқиғаның барлық мән-жайы анықталып жатқанын мәлімдеді.
Мақаланың түпнұсқасы: https://kaz.nur.kz/accidents/2041581-turkistanda-zolausylar-avtobusy-turgyn-uige-sogyldy-zardap-sekkender-bar-video/