Шығыс Жезқазған кенішінде 39 жастағы жұмысшы қаза тапты

Шығыс Жезқазған кенішінің №57 шахтасында жұмысшы қаза тапты. Оқиға 5 қарашада болған, деп хабарлайды KAZ.NUR.KZ.

"Қазақмыс" компаниясы 2023 жылы 5 қарашада Шығыс Жезқазған кенішінің №57 шахтасында болған жазатайым оқиға туралы өкінішпен хабарлайды. Жұмысты орындау кезінде тау жынысы құлауы салдарынан 1984 жылғы тау кен шебері өлімге әкелетін жарақат алды", - делінген компания хабарында.

Хабарламада "Қазақмыс" компаниясының басшылығы мен еңбек ұжымы марқұмның туыстары мен жақындарына қайғыра көңіл айтқан.

Арнайы комиссия жазатайым оқиғаның мән-жайы мен себептерін анықтап жатқаны айтылады.