Ақтауда ер адамның денесі табылды

Ақтауда ықшамаудандардың бірінде ер адамның денесі табылды. Маңғыстау облысы полиция департаменті ақпараты бойынша, сот-медициналық сараптама тағайындалды, деп хабарлайды Lada.kz.

Басылым облыстық полиция департаменті баспасөз қызметіне сілтеме жасап жазуынша, кеше, 15 қарашада "102" пультіне 7-ықшамауданда орналасқан №3 үйдің маңында адамның денесі жатқаны туралы қоңырау келіп түскен.

"Келіп түскен қоңырау бойынша жедел-тергеу тобы әрекет етті. 43 жастағы ер адамның денесі табылды. Сот-медициналық сараптама тағайындалды", – деп хабарлады полиция.

Еске салайық, бұған дейін Қостанай облысында жер үйлердің бірінде әйел мен оның балаларының денесі табылғаны туралы жазған едік. Олардың иіс тиіп көз жұмғаны анықталды.

Павлодар облысында ауыл шаруашылығы жерлерін суаруға арналған жасанды су қоймасынан 7 және 8 жастағы екі баланың денесі табылғаны хабарланған.