"10 адамның жеке басы анықталды": Досаев хостелден шыққан өртке қатысты пікір білдірді
Опубликовано:
Алматы әкімі Ерболат Досаев хостелден шыққан өрт туралы БАҚ өкілдеріне пікір білдірді. Қала әкімі жертөледе хостелдің орналасуына қатысты тергеу жүргізілетінін айтты. Сондай-ақ 10 адамның жеке басы анықталғанын мәлім етті, деп хабарлайды KAZ.NUR.KZ тілшісі.
"Жертөледе асхана, жүк сақтау бөлмесі, қойма орналасуы керек. Қазір бәрін тергеу анықтайды", - деді Ерболат Досаев.
Қала әкімінің айтуынша, қаза тапқандардың көпшілігі Қазақстан азаматтары.
"Қайтыс болған 10 адамның жеке басы анықталды: оның 8-і Қазақстан, біреуі Ресей, біреуі Өзбекстан азаматы. Қалған үшеуінің жеке басы анықталып жатыр.
Құтқарушылар қайтыс болғандардың қасында пәкістандықтарды көріп, қаза болғандардың азаматтығына қатысты қателік жіберген. Олардың бірі Пәкістаннан келген студент екені анық", - деді қала әкімі.
Қала әкімі қажетті шаралар қабылданатынын айтты.
Мақаланың түпнұсқасы: https://kaz.nur.kz/accidents/2048353-erbolat-dosaev-ort-syqqan-xosteldin-zertolede-ornalasuyna-qatysty-pikir-bildirdi/