Хостелде қаза тапқандардың отбасына Алматы әкімдігі қандай көмек көрсетеді

Хостелде қаза тапқандардың отбасына көрсетілетін көмек хабарланды. Марқұмдардың денесін Алматы аумағында жерлеуге және көрсетілген жерлерге, оның ішінде еліміздің басқа өңірлеріне тасымалдауға Алматы әкімдігі жәрдемдесетін болды. Бұл туралы әкімдік баспасөз қызметінің өкілдері хабарлады.

Алматы әкімдігінің таратқан мәліметіне сүйенсек, өртте зардап шеккендер мен эвакуацияланғандарды қолдаудың барлық шарасы қабылданған. Жедел түрде уақытша баспана берілді, тамақтану ұйымдастырылды, қажетті медициналық және психологиялық көмек толық көлемде көрсетіледі.

"Қала әкімі Ерболат Досаевтың тапсырмасы бойынша әкімдік қаза тапқандардың денелерін көрсетілген жерлерге, оның ішінде еліміздің басқа өңірлеріне тасымалдауға жәрдемдесетін болады. Бұдан басқа жерлеу процесін қоса алғанда, Алматы қаласының аумағында жерлеуді ұйымдастыруға жәрдем толық көрсетіледі", - делінген әкімдік хабарламасында.

Жерлеуді ұйымдастыру мәселелері бойынша қаза тапқандардың туыстары үшін жедел желі іске қосылды. Олар мына байланыс нөмірлеріне жүгіне алады:

+ 7 707 779 07 08

+7 777 312 08 08

Сондай-ақ Алматы әкімдігі өкілдері өрт салдарынан қаза тапқандардың туыстары мен жақындарына шын жүректен көңіл айтатынын хабарлады.

Мәтіннен қате тапсаңыз, бізге жазыңыз