Шымкентте тұрғын үйде шыққан өрт салдарынан ер адам қаза тапты

Шымкент қаласы Қызылжар шағын ауданындағы тұрғын үйде өрт шығып, салдарынан үй ішінен шыға алмай қалған 1994 жылғы ер адам қаза тапты. Бұл туралы KAZ.NUR.KZ "ҚазТрансГаз Аймақ" АҚ Instagram-дағы ресми парақшасына сілтеме жасап хабарлайды.

Компания мәліметінше, қайғылы оқиға 2023 жылғы 14 желтоқсанда түскі сағат 11-де болды. Оқиғаның нақты себептері анықталып жатыр.

"Алдын ала мәлімет бойынша, қазандықтың электр тұрақтандырғышы немесе жылыту қазандығының жанындағы электр сымдары жанып, газ пешін балқытып, газдың ауаға тарауына себеп болуы мүмкін", - делінген хабарламада.

Газ қызметінің мамандары тұтынушыларды табиғи газды пайдалану кезінде тағы да өте мұқият болуға шақырды. Ол үшін:

• тұрғын үйді газға өз еркімен қосуға болмайды;
• "ҚазТрансГаз Аймақ" мамандарының келісімінсіз газбен жабдықтау схемасына өзгерістер енгізбеу керек;
• егер бөлмеде газдың иісі сезілсе, көгілдір отынды пайдаланбаңыз, газ бұрандасын жауып, терезелерді ашыңыз, 104 нөмірі арқылы мамандарды шақыру қажет.