Шымкентте 17 қабатты тұрғын үйдегі пәтерлердің бірінде шыққан өрт: 50-ден астам адам эвакуацияланды (фото)

Бүгін, желтоқсанның 18-і Шымкентте 17 қабатты тұрғын үйде өрт шықты. 10-шы қабаттағы пәтерлердің бірінде ас үй, кейін лоджия өртенген. Бұл туралы Шымкент қаласы Төтенше жағдайлар департаменті баспасөз қызметіне сілтеме жасаған KAZ.NUR.KZ хабарлайды.

ТЖД баспасөз қызметі мәліметіне сүйенсек, бүгін, дүйсенбіде Қонаев даңғылында орналасқан 17 қабатты тұрғын үйде өрт шыққан. 10-шы қабаттағы пәтерлердің бірінде ас үй өртеніп, кейін жалын лоджияны да шарпыған.

"Тұрғын үйдің 10-шы қабатында алаңдағы ас үй мен лоджия өртенген", — деп хабарлады ТЖД баспасөз қызметі өкілдері.

Өрт сағат 14.48-де сөндірілген. Екі адам құтқарылып, 50 адам баспалдақ арқылы өздігінен эвакуацияланды. Көз жұмғандар не зардап шеккендер жоқ.

Өрттің шығу себебі әзірге белгісіз.