Жаңа жыл түні елімізде құтқарушылар 163 рет шақыртуға шыққан: 500-ден аса адам құтқарылды

Жаңа жыл түні ТЖМ құтқарушылары күшейтілген режимде қызмет атқарды. Өткен тәулікте 31 желтоқсанда Қазақстан ТЖМ күштері 163 шығу жасады. Бұл туралы ведомство сайтында жарияланды.

Оның 94-і өрттер мен жану оқиғаларына, 68-і іздестіру, авариялық-құтқару және басқа да жұмыстарға бағытталған. Жалпы 518 адам, оның ішінде 65 бала құтқарылды және эвакуацияланған.

"ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады.

Ауылдық жерлерде тұратын тұрғындарға ауа райы нашарлаған жағдайда алыс қашықтыққа жаяу жүруден бас тартуды ұсынамыз. Абай болыңыз! Біз үшін әрбір өмір маңызды!" - дейді құтқарушылар.