Таразда жолаушылары бар автобус 10 көлікті соғып өтті (фото)

Таразда маршруттық автобустың жүргізушісі тізгінге ие бола алмай, 10 автокөлікпен соқтығысты. Бір адам зардап шеккені белгілі, деп хабарлайды Жамбыл облыстық ПД-ға сілтеме жасаған KAZ.NUR.KZ.

Ведомствоның баспасөз қызметі хабарына қарағанда, бүгін сағат 10.45 шамасында Таразда №56 бағытында келе жатқан автобус жол-көлік оқиғасына ұшыраған. Төле би даңғылында 33 жастағы жүргізуші тізгінге ие бола алмай қалып, қарсы қозғалыс жолағына шығып кеткен. Онда ол тұрақта тұрған он көлікті соққан.

Жамбыл облысы ПД мәліметінше, жол-көлік оқиғасы кезінде автобуста 10 жолаушы болған. Жарақат алған 56 жастағы әйел қалалық ауруханаға жеткізілді.

Осы факт бойынша автобус жүргізушісіне қатысты Қылмыстық кодекстің 345-бабы бойынша сотқа дейінгі тергеу басталды. Қажетті сараптамалар тағайындалды.

Мәтіннен қате тапсаңыз, бізге жазыңыз