Абай облысында 17 жолаушы мінген автобус жолдан шығып кетті (видео)
Жарияланған күні:
Абай облысында ішінде 17 жолаушы бар автобус жолдан шығып кетіп, салдарынан екі адам зардап шеккен. Бұл туралы Абай облыстық полиция департаментінің Telegram-дағы арнасында хабарланды.
ПД мәліметінше, Абай облысының Үржар ауданында Мақаншы ауылынан 35 шақырым жерде, қатты жел салдарынан коммерциялық жолаушылар автобусының 31 жастағы жүргізушісі рульді басқара алмай, жолдан шығып кеткен.
Автобустың ішінде 17 жолаушы болған. Автобус Қабанбай батыр ауылы - Алматы бағыты бойынша жүрген.
Жол-көлік оқиғасы салдарынан екі адам ауруханаға жүгінген.
Полиция өкілдері қазіргі уақытта тиісті сараптамалар тағайындалғанын, олардың нәтижесі бойынша процестік шешім қабылданатын айтты.
Осы орайда Абай облысы полиция департаменті жүргізушілерді жол қозғалысы ережелерін қатаң сақтауға шақырады.
Мақаланың түпнұсқасы: https://kaz.nur.kz/accidents/2055325-abai-oblysynda-isinde-17-zolausy-otyrgan-avtobus-zoldan-sygyp-ketti-zardap-sekkender-bar/
