Семейде қаладағы ең үлкен сауда үйінен өрт шықты (видео)

Семейдегі ірі сауда орталығынан кеше түнде өрт шықты– оқиға орнында өрт сөндірушілер мен полицейлер жұмыс істеп жатыр. Бұл туралы Абай облыстық полиция департаментіне сілтеме жасаған KAZ.NUR.KZ хабарлайды.

"Ақшын" сауда орталығы өртенді. Өрт сөндірушілер қазір жалынды ауыздықтап жатыр.

Арнайы техниканың өтуін қамтамасыз ету, басқа да жағдайлардың алдын алу, сондай-ақ қоғамдық қауіпсіздік пен құқық бұзушылықтың алдын алу мақсатында оқиға орнында полиция қызметкерлері де жүр.