Қарағанды қаласында дәмхана өртенді: зардап шеккендер бар

Қарағанды қаласында бүгін түс кезінде дәмхана өртеніп, күйік алған әкімші емдеу мекемесіне жіберілді. Бұл туралы KAZ.NUR.KZ ТЖМ-нің Telegram-дағы арнасына сілтеме жасап хабарлайды.

Ведомство мәліметінше, 12 ақпанда сағат 12:53-те Қарағанды қаласында өрт шыққаны туралы хабар түсті.

"5 қабатты тұрғын үйдің 1-қабатында орналасқан дәмхананың ас үй бөлмесінде 10 шаршы метр аумақта өрт шыққан.

Алдына ала болжам бойынша күйік алған әкімші емдеу мекемесіне жіберілді", - делінген хабарламада.

ТЖД күштері баспалдақ арқылы үйден 10 адамды, оның ішінде 2 баланы эвакуациялады. Өрт сағат 13:35-те сөндірілген.

Өрт орнына Қарағанды облысы ТЖД 27 адамы мен 7 техникасы жұмылдырылған.