Алматыда монша кешені аумағында ірі өрт болды (фото, видео)

Алматының Медеу ауданында орналасқан монша кешені аумағында ағаш үйлерден өрт шықты. Бұл туралы төтенше жағдайлар министрлігіне сілтеме жасаған KAZ.NUR.KZ хабарлайды.

Ведомствоның Telegram арнасында жарияланған мәлімет бойынша, ведомствоға өрт шыққаны туралы хабар 14 ақпанда сағат 18:00-де келіп түскен.

Алматы қаласы төтенше жағдайлар департаментінің күштері мен құралдары Медеу ауданы, Оспанов көшесіндегі жанып жатқан монша кешеніне жіберілген.

"Өрт сөндіру техникасының жолындағы кедергі көлік кептелісі болғанына қарамастан, жедел келген өрт сөндіру есептеулері екі ағаш үйдің ашық жалынымен жануды анықтады, көршілес ағаш коттедждерге таралу қаупі туындады. Дереу жедел штаб орналастырылып, өрт оқпандары енгізілді, судың үздіксіз берілуі қамтамасыз етілді", - делінген хабарламада.

Төтеншеліктердің мәліметінше, өрттің алдын ала аумағы 600-700 шаршы метр.

Өрт сағат 18:47 оқшауланды.