Теміртаудағы газ жарылысы: үйінді астынан әйелдің денесі шығарылды

Теміртауда бүгін таңертең екіқабатты дүкенде газ жарылып, ғимарат қираған еді. Үйінді астынан бір әйелдің денесі шығарылды, деп хабарлайды KAZ.NUR.KZ ТЖМ-ға сілтеме жасап.

"Сағат 09.49-да үйіндінің астынан қаза тапқан әйел шығарылды. Жедел жәрдем бригадасы өлім фактісін тіркеді", - делінген хабарламада.

ТЖМ газ жарылысы салдарынан болған өрт сағат 10:25-те сөндірілгенін мәлім етті.

Айта кетейік, бүгін Теміртаудағы дүкенде газ жарылысы болды. Ғимарат өртке оранып, опырылған. Сондай-ақ үйінді астынан әйел адам шығарылып, бір адам іздестіріліп жатқанын хабарланған еді.

Кейін Қарағанды облысы ТЖД бастығының орынбасары Ахметжанов Ақылбек газ жарылысынан зардап шеккен әйелдің ауруханаға жеткізілгенін, жағдайы ауыр екенін айтты.