Қостанай облысында анасы мен үш баласы газдан уланып қалды

Қостанай облысының Федоровка ауылында отбасы газдан уланып қалды. Бұл туралы ТЖД-ға сілтеме жасаған KAZ.NUR.KZ хабарлайды.

Қостанай облысының Федоровка ауылында жеке тұрғын үйде қатты отынмен жылытылатын пешті пайдалану ережелерін бұзу себебінен, бір әйел мен үш бала газдан уланды. Зардап шеккендер ауруханаға жатқызылды.

"Жылуды, электр құрылғыларының күйін қадағалаңыз, розеткалардың шамадан тыс жүктелуіне жол бермеңіз, ғимараттарда темекі шекпеңіздер", - деп ескертті ҚР Төтенше жағдайлар министрлігі өкілдері.