TikTok-та проблемасын айтқан шалқарлықтар жемқорлыққа күдіктіні ұстатып жіберді

Ақтөбе облысындағы Шалқар қаласының тұрғындары TikTok-қа депода жұмыс істеу үшін олардан пара талап етілетініне шағымданды. Антикор тексеруді бастады, деп хабарлайды "Астана" телеарнасы.

Әлеуметтік желілерде жарияланған роликтерде олар Шалқарда жұмысқа орналасу өте қымбат екенін айтады.

Қала тұрғындарының айтуынша, тепловоз машинисінің көмекшісі ретінде жұмысқа орналасу үшін 4 млн теңге пара төлеу қажет.

"Шалқарда парасыз жұмысқа орналасу мүмкін емес. Мен жұмысқа тұра алмадым, ұлым да, әйелім де", " Парасыз ешкім жұмысқа алмайды. Жұмысқа орналаса алмаймын. Менің 6 балам бар, жұмысым жоқ", - деп шағымданды жергілікті тұрғындар.

Бейнеролик әлеуметтік желіде мыңдаған қаралым жинады, оған сыбайлас жемқорлыққа қарсы қызмет те назар аударды. Телеарнаның хабарына қарағанда, осы шағымнан кейін әлеуметтік желілерде Антикор "ҚТЖ-Жүк тасымалы" ЖШС "Батыс" филиалында тергеу бастаған.

Бұл локомотив депосының бастығы тепловоз машинисінің көмекшісі лауазымына орналастырғаны үшін бірнеше рет пара алды деп күдікке ілінген. Тергеу нұсқасы бойынша алынған қаражаттың жалпы сомасы - 2,5 млн теңге.

Сыбайлас жемқорлыққа қарсы іс-қимыл агенттігі күдікті қамауға алынғанын айтты.