Ақмола облысында өртенген қоймадан 10 газ баллоны шығарылды

Целиноград ауданы, Талапкер ауылында 100 шаршы метр алаңда техниканы сақтауға арналған шағын бөлмеде өрт болды. Қойма күзетшісі ауруханаға жеткізілді. Бұл туралы Төтенше жағдайлар министрлігінің Telegram-дағы арнасына сілтеме жасаған KAZ.NUR.KZ хабарлайды.

Өрт бүгін, 9 наурызда сағат 02.26-да шыққан. Оқиға орнына дереу Ақмола облысы ТЖД жеке құрамынан 4 құтқарушы және 1 техникасы Астана қалалық ТЖД жеке құрамынан 14 құтқарушы және 3 техникасы жөнелтілді.

"Өртсөндірушілер үйлесімді және кәсіби сауатты әрекеттерінің арқасында өрттің газ-жанармай құю станциясының моноблогына таралуын мүмкіндік бермеген, сондай-ақ 2 Камазды, 2 тиегішті және 1 газ тасымалдағышты өрттен құтқарды, 10 газ баллон шығарылды", - делінген хабарда.

Өрт сағат 03.24-те оқшауланды, сағат 03.54-те жойылды. Өрт сөндіру бөлімшелері келгенге дейін қойма күзетшісі ЖМЖБ-мен Астана қалалық №1 ауруханаға жеткізілді.

Тілсіз жаудың шығу себебі анықталып жатыр.