Түркістан облысында 29 жастағы тұрғын құдық құбырына құлап кеткен (видео)

Түркістан облысында 29 жастағы қыз дренажды құдыққа құлап кеткен. Оны құтқарушылар бірнеше сағаттан кейін ес-түссіз жатқан күйінде құтқарып алған, деп хабарлайды ведомствоға сілтеме жасаған KAZ.NUR.KZ.

Төтеншеліктерге қыздың Майтөбе ауылының маңындағы ашық алаңда орналасқан құдыққа құлап кеткені туралы хабарлама сағат 09:18-де келіп түскен.

"Сағат 12-06-да жергілікті тұрғын құдыққа түсіріліп, 12-14-те қызды құдықтан ес-түссіз күйде шығарып алды", - делінген ведомство хабарламасында.

Құтқару жұмыстарына ТЖД, жедел жәрдемнің, полицияның 31 адамы және 5 техникасы жұмылдырылды.