Астанада тротуармен кетіп бара жатқан Porsche көлігінің видеосы тарады (видео)

Желіде Porsche тізгіндеген жүргізуші Астанада тротуармен жүріп келе жатқанын көрсететін видео тарады. Ол бірден екі заңбұзушылық жасағаны үшін жауапқа тартылды, деп хабарлайды елордалық полиция департаментіне сілтеме жасаған KAZ.NUR.KZ.

Видео Instagram-дағы astana_brothers парақшасында жарияланды.

Видео авторының өзі түсірген видеода көліктің кептелісті тротуар арқылы айналып өтіп бара жатқанын көруге болады. Бұған қоса Porsche логотипі бар рулі де видеоға түсіп қалған.

Астана полиция департаментінің баспасөз қызметі құқықбұзушының кім екені анықталғанын хабарлады.

"Porsche жүргізушісі тротуарда көлік жүргізді және көлік жүргізу кезінде ұялы телефонд пайдаланды деп айыпталды", – деді полиция өкілдері.

Мәтіннен қате тапсаңыз, бізге жазыңыз