Маңғыстау облысында екі жасар қыз ауладағы дәретханаға құлап кеткен

Маңғыстау облысында екі жасар қыз үй ауласындағы дәретханаға құлап кетті. Сәбиді оның туыстары құтқарып қалған, деп хабарлайды облыстық ТЖД-ға сілтеме жасаған Lada.kz басылымы.

Басылым мәліметінше, оқиға Ақшұқыр ауылында болған. Екі жасар қыз бір үйдің ауласындағы дәретхана шұңқырына құлап кеткен. Құтқарушылар жеткенше қыздың туыстары оны өз күшімен алып шыққан.

ТЖД ақпараты бойынша құтқарушыларға қоңырау 31 наурызда сағат 13:12 шамасында түскен.

"Құтқарушылар жеткенше бала құтқарылды", - деп хабарлады Маңғыстау облысының Төтенше жағдайлар департаменті өкілдері.

Қызды құтқарған сәт видеоға түсіп қалған.