Павлодар облысының әкімі Асайын Байханов су тасқынынан зардап шеккен үйлердің иелерімен кездесті
Опубликовано:
![Су тасқынына қарсы іс-шаралар Су тасқынына қарсы іс-шаралар](https://cdn.nur.kz/images/1120x630/e50f110c1f718ff4.jpeg)
Мемлекет басшысы Қасым-Жомарт Тоқаевтың тапсырмасы бойынша Павлодар облысында су тасқынынан зардап шеккендерге жан-жақты қолдау көрсетілуде және жедел түрде келтірілген залал өтелуде.
Бүгінгі таңда су тасқыны кезінде мүлкіне әртүрлі дәрежеде зиян келген 107 отбасыға бюджеттен тыс демеушілік қаражат есебінен жалпы сомасы 96,7 млн теңге көлемінде өтемақы берілді.
![Су тасқынына қарсы іс-шаралар Су тасқынына қарсы іс-шаралар](https://cdn.nur.kz/images/1120/382f661aebb475f0.jpeg)
Соның ішінде өтемақыны бүгін су тасқыны кезінде үйлері қатты зардап шеккен Жалаулы ауылының 9 тұрғыны алды.
![Жалаулы ауылы Жалаулы ауылы](https://cdn.nur.kz/images/1120/2b03c4e70002847b.jpeg)
Сондай-ақ Асайын Байханов пен ауыл ақсақалдары тәуелсіз комиссияның шешімі бойынша қалпына келтіруге келмейтін авариялық жағдайдағы үйлердің орнына салынатын 5 жаңа үйдің құрылысына бастау берді. Шығындарды ERG тобы өз мойнына алды. Үйлердің құрылысын 3 айдың ішінде аяқтау жоспарлануда.
![Су тасқынына қарсы іс-шаралар Су тасқынына қарсы іс-шаралар](https://cdn.nur.kz/images/1120/07288a14832670b5.jpeg)
Сонымен қатар, зардап шеккен облыс тұрғындарына 100 АЕК мөлшерінде біржолғы мемлекеттік әлеуметтік төлем төленетін болады.
![Су тасқынына қарсы іс-шаралар Су тасқынына қарсы іс-шаралар](https://cdn.nur.kz/images/1120/4463a61f23b7cd6f.jpeg)
Осымен ауылда су тасқынына қарсы іс-шаралар аяқталмайды. Шілде айының соңына дейін ауылда 6 км қорғаныс бөгеті салынып, ойпаң жерде орналасқан ауылдың мәселесін кешенді түрде шешу үшін көлемі 200 мың м3 болатын еріген суларды жинауға арналған 3 қазаншұңқыр жасалады.
Мақаланың түпнұсқасы: https://kaz.nur.kz/accidents/2082431-pavlodar-oblysynyn-akimi-asaiyn-baixanov-su-tasqynynan-zardap-sekken-uilerdin-ielerimen-kezdesti/