Алматыда есірткі притоны анықталды

Алматыда пәтерінде есірткі қоймасын ұйымдастырды деген күдікпен ер адам ұсталды. Есірткі қоймасы жойылды. Бұл туралы Ішкі істер министрлігінің ақпараттық медиа-порталына сілтеме жасаған KAZ.NUR.KZ хабарлайды.

Ведомство өкілдерінің мәлімдеуінше, пәтерде ұйымдастырылған қойманы есірткі қылмысына қарсы күрес басқармасының қызметкерлерлері жойған.

"Әуезов ауданының тұрғындарының бірі өзінің пәтерінде есірткі заты – героинді қолдану үшін үй-жай беріп, есірткі притонын ұйымдастырған.

Пәтерді тінту кезінде электронды таразылар, пайдаланылмаған шприцтер, құрамында өсімдік тектес және ұнтақ түріндегі заттары бар байламдар табылып, тәркіленді", - деді Алматы қалалық ПД есірткі қылмысына қарсы күрес басқармасының бастығы Ерлан Әлмағамбетов.

ІІМ өкілдері бұл дерек бойынша сотқа дейінгі тергеу басталғанын және сот-химиялық сараптама тағайындалғанын атап өтті.