Ақтөбеде құрылыс материалдары бар қойма өртке оранды (видео)
Жарияланған күні:
Ақтөбеде құрылыс материалдары сақталатын қоймада өрт шықты. Желіде көкке көтерілген қою түтіннің видеосы пайда болды. Өрт сөндірушілер оқиға орнына келіп жетті, деп хабарлайды ТЖМ Telegram-дағы ресми арнасында.
Ведомство ақпараты бойынша, Ақтөбеде құрылыс материалдары сақталған қойма жанып жатыр.
"Оқиға орнында жоғары дәреже бойынша Апаттар медицинасы орталығының құтқарушылары мен қызметкерлері жұмыс істеп отыр", - делінген хабарламада.
Ведомство мәліметіне сүйенсек, өртті сөндіруге 60 ТЖД қызметкері мен 10 өрт сөндіру көлігі жұмылдырылған.
Өрт ауданы анықталып отыр.
Сондай-ақ желіде өрт салдарынан көкке шарпыған қою түтіннің видеосы тарап жатыр.
Мақаланың түпнұсқасы: https://kaz.nur.kz/accidents/2095595-aqtobede-qurylys-materialdary-bar-qoima-ortke-orandy/
