Алматы облысында жүргізуші кәмелеттік жасқа толмаған екі қызды қағып, мерт қылды (видео)

Алматы облысының Есік қаласында жүргізуші кәмелетке толмаған 3 және 14 жастағы екі қызды қағып, мерт қылды. Жүргізуші қамауға алынды, деп хабарлайды KAZ.NUR.KZ тілшісі.

Қайғылы оқиға орнында түсірілген видео Instagram-дағы kris_p_issyk парақшасында жарияланды.

"8 маусымда кешкі сағат 21:10-да саяжай аумағында 14 жастағы және үш жасар екі қызды қағып кеткен. Қыздар оқиға орнында көз жұмды", - делінген жазбада.

Алматы облысының полиция департаменті бұл деректі растады.

Полицейлердің хабарлауынша, 8 маусымда Есік қаласындағы Алтын Адам аллеясы көшесімен келе жатқан Mercedes Benz көлігінің жүргізушісі кәмелетке толмаған екі қызды қағып кеткен.

Апат салдарынан екі қыз да сол жерде көз жұмды. Жүргізуші уақытша ұстау изоляторына қамалды.

"Оқиғаға қатысты қылмыстық іс қозғалып, қажетті сараптамалар тағайындалды", - делінген хабарламада.