Оралда көпқабатты үйде пәтер өртенді: 3 адам құтқарылды
Жарияланған күні:
Бүгін кешке Оралда көпқабатты тұрғын үйдің пәтерінен өрт шыққан. Өрт сөндірушілер мен құтқарушылар 4 адамды эвакуациялады, деп хабарлады Төтенше жағдайлар министрлігі Telegram-дағы ресми арнасында.
Бүгін кешке Оралда көпқабатты тұрғын үйдің 6 қабатында орналасқан пәтерінде үй заттары мен жиһаз өртенген. Өрт сөндірушілер мен құтқарушылар 4 адамды эвакуациялады.
Өрт аумағы 22 шаршы метр болған.
"Өрт сөндірушілер 3 тұрғынды құтқарып, 4 адамды эвакуациялады. Өрт сөндірушілердің жедел жұмысының арқасында өрт 28 минут ішінде сөндірілді", - делінген хабарламада.
Зардап шеккендер жоқ. Өрттің шығу себебі анықталып жатыр.
Мақаланың түпнұсқасы: https://kaz.nur.kz/accidents/2124681-oralda-kopqabatty-uide-pater-ortendi-3-adam-qutqaryldy/
