Алматыдағы ботаникалық бақ маңында мопед пен жеңіл көлік соқтығысты (фото)

Алматыда Тимирязев пен Байзақов көшелерінің қиылысында мопед пен жеңіл көлік соқтығысты – жол апаты салдарынан мопедші медициналық көмекке жүгінді. Бұл туралы KAZ.NUR.KZ хабарлайды.

Оқиға орнынан түсірілген кадрлар Telegram-дағы Kris_p_almaty арнасында жарияланды.

Жазба авторларының мәліметінше, оқиға Тимирязев пен Байзақов көшелерінің қиылысында болған.

"Мопед қызыл түске (бағдаршам сигналы – ред. ескертпесі) өтіп үлгермеді", - деп делінген жазбада.

Жол апатына түскен жүргізушілердің біріне медициналық көмек қажет болды. Бұл жөнінде NUR.KZ тілшісіне қалалық полиция өкілдері хабарлады.

"Бүгін түсте Алматының Бостандық ауданында Kia автокөлігі мен мопед бір-біріне соғылды Апат салдарынан мопед жүргізушісі медициналық көмекке жүгінген.

Қазір тергеу басталды. Тиісті сараптамалар тағайындалды", - деп түсіндірді Алматы қалалық полиция департаментінің баспасөз қызметі.

Мәтіннен қате тапсаңыз, бізге жазыңыз