"Пештен кенеттен жалын шықты": Қарағандыда ферроқорытпа зауытының 8 жұмысшысы жарақат алды
Жарияланған күні:
![Шахтер каскасы. Көрнекі сурет Шахтер каскасы. Көрнекі сурет](https://cdn.nur.kz/images/1120x630/e2a3e40e42d82754.jpeg)
Қарағанды ферроқорытпа зауытында төтенше жағдай болып, 8 жұмысшысы әртүрлі дәрежеде жарақат алды. Бұл туралы кәсіпорынға сілтеме жасаған KAZ.NUR.KZ хабарлайды.
Бұл ақпарат кәсіпорынның Instagram-дағы парақшасында жарияланды.
"20 шілде таңғы сағат 04:10-да YDD Corporation ферроқорытпа зауытында штаттан тыс жағдай болды. № 1 пештен кенеттен жалын шығып, салдарынан кәсіпорынның 8 жұмысшысы әртүрлі дәрежеде жарақат алды.
Қазіргі уақытта зардап шеккен жұмыскерлердің барлығы ауруханаға жеткізілді, оларға шұғыл медициналық көмек көрсетіліп жатыр.
Компания зардап шеккендерге жан-жақты көмек көрсетіп жатыр және аурухананың медициналық қызметкерлерімен үнемі байланыста", - делінген YDD Corporation ферроқорытпа зауытының баспасөз қызметі өкілдері тратқан хабарламада.
Мақаланың түпнұсқасы: https://kaz.nur.kz/accidents/2137200-peshten-kenetten-zhalyn-shyqty-qaragandy-ferroqorytpa-zauytynyng-8-zhumysshysy-auruhanaga-zhetkizildi/