Алматыда базарлардың бірінен өрт шықты
Жарияланған күні:
![Алматыдағы өрт Алматыдағы өрт](https://cdn.nur.kz/images/1120x630/ec88c830ef030906.jpeg)
Алматыда Ақсай-4 шағынауданында орналасқан "Арыстан" базарында контейнер өртенді. Бұл туралы KAZ.NUR.KZ қалалық Төтенше жағдайлар департаментіне сілтеме жасап хабарлайды.
Ведомство мәліметінше, оқиға 16 қыркүйекте, сағат 15:28-де Ақсай-4 мекенжайындағы Арыстан сауда орнында болған.
"Өрт сөндірушілер келген сәтте ауданы 8 шаршы метр аумағы қамтыған контейнердің отқа оранғанын анықтады. Дер кезінде өрттің таралу қауіпін болдырмай, ТМҚ сақталған көрші контейнерлерді өрттен аман алып қалды", - делінген хабарламада.
Өрт 15:30-да жойылды.
Өртті сөндіруге 14 адам мен 4 техника жұмылдырылды.
Айта кетейік, тамыз айының аяғында Алматы аудандарының бірінде пластикалық бұйымдар бар ірі қойма өртке оранды. ТЖД қызметкерлдері өртті толығымен сөндіріп, зардап шеккендер жоқ екенін мәлім еткен еді.
Мақаланың түпнұсқасы: https://kaz.nur.kz/accidents/2161972-almatyda-bazarlardyng-birinen-ort-shyqty/