Екібастұзда 5 жасар бала үшінші қабаттың терезесінен құлап кеткен
Жарияланған күні:
Екібастұз қаласында сәрсенбіде қайғылы оқиға болды. Үшінші қабаттан құлаған бала қалалық ауруханаға жеткізілді, деп хабарлайды "Павлодар-онлайн".
Баланың жағдайы туралы облыстық білім басқармасы айтып берді.
"Осы жылдың 18 қыркүйегінде шамамен сағат 15:00-де Екібастұзда бес жасар бала үшінші қабаттың терезесінен құлап кетті. Жедел жәрдем бригадасы кәмелетке толмаған баланы қала ауруханасына жеткізді. Медициналық көмек көрсетілгеннен кейін баланың жағдайы тұрақты деп бағаланып отыр. Емдеу толық көлемде жүргізіліп жатыр", - деп хабарлады басқармадағылар.
Бұл жыл басынан бері Павлодар облысында болған 12-жағдай. Павлодарда алты бала, Екібастұзда төрт, ал Ақсуда екі бала терезеден құлап кеткен.
Мақаланың түпнұсқасы: https://kaz.nur.kz/accidents/2163924-ekibastuzda-5-zhasar-bala-ushinshi-qabattyng-terezesinen-qulap-ketken/
