Астанада көпқабатты тұрғын үйден өрт шықты (видео)

Өрт Астананың Байқоңыр ауданындағы көпқабатты тұрғын үйдегі пәтерлердің бірінен шыққан. Оқиға орнына құтқарушылар жетіп, көп ұзамай өрт сөндірілді, деп хабарлайды Төтенше жағдайлар министрлігіне сілтеме жасаған KAZ.NUR.KZ.

Ведомствоның Telegram-дағы арнасындағы мәлімет бойынша, елордалық өрт сөндірушілер Байқоңыр ауданы Ғабдуллин көшесі бойындағы көпқабатты тұрғын үйдегі өртті оқшаулаған.

Өрт толығымен 22:49-да сөндірілді. Зардап шеккендер жоқ.

Төтеншеліктер қазір оқиғаның мән-жайы мен өрттің ауданы анықталып жатқанын мәлімдеді.

Өрт шыққан кезде не істеу керек?

Төтенше жағдайлар министрлігінің ресми сайтында өрт шыққан кезде жасалуы керек нұсқама берілген. Соған сәйкес:

• Егер өрт ошағы кішкентай болса, өзіңіз өртті барлық қол жетімді құралмен өшіруге тырысыңыз: өртсөндіргіштермен, кез-келген тығыз матамен, құммен, гүл құмыраларының топырағымен, сумен жəне т. б.;
• Электр сымының оқшауламасы жанған кезде электр желісін өшіріңіз;
• Өрт жағдайы туралы көршілерге немесе басқа кабинеттердегі қызметкерлерге дереу хабарлаңыз жəне эвакуацияны бастаңыз;
• Электр жабдықтарын өшіріңіз;
• Мүмкін болса, есікті жауып, бөлмеден шығыңыз;
• Оттан қашыңыз, ештеңені іздемеңіз жəне жинамаңыз;
• Балалар мен қарт адамдарға көшеге шығуға көмектесіңіз;
• Кіреберісте немесе дəлізде түтін шыққан кезде, шығатын есікке еңбектеп барыңыз;
• Қауіпсіз жерге шығыңыз:
• Егер үй-жайдан баспалдақ арқылы шығу мүмкіндігі болмаса, түтін кіріп кетпес үшін кіретін есікті ішінен ылғалды матамен тығыздаңыз, содан кейін балконға шығып, өрт сөндіру қызметінің келуін күтіңіз;
• Жел кесірінен от қаттырақ жанып кетпеуі үшін есік жəне терезелерді жабыңыз.