Қазақстанның солтүстігінде тепловоз бен локомотив соқтығысты: зардап шеккендер бар

15 қазанда Сарысу өткелінің маңында тепловоз бен локомотив соқтығысып, салдарынан жұмысшылар зардап шекті. Бұл туралы ҚТЖ-ға сілтеме жасаған KAZ.NUR.KZ хабарлайды.

"Қазақстан темір жолы" Ұлттық компаниясы" АҚ-нің Telegram-дағы арнасында пайда болған ақпаратына сәйкес, оқиға бүгін сағат 10:10-да болған.

Жолдар, локомотив және тепловоз жекеменшікке тиесілі болған.

"15 қазан сағат 10:10-да Сарысу разъезі маңындағы жеке жолда жеке меншікке тиесілі тепловоз бен локомотив соқтығысқан.

Салдарынан бес бос вагон мен тепловоз аударылды. Жеке локомотив бригадалары орташа жарақат алды.

Оқиға басқа пойыздар қозғалысына және магистральдық желі жұмысына әсер еткен жоқ" ,- деп хабарлайды "Қазақстан темір жолы" ҰК" АҚ баспасөз қызметі.

Мәтіннен қате тапсаңыз, бізге жазыңыз