Қарағандыда 11 жастағы оқушы қызға шабуыл жасалды
Жарияланған күні:
Қарағандыда ұрлық жасады деп күдіктелген жасөспірімдер ұсталды. 11 жастағы қыздың мектепке барара жолда ұялы телефоны ұрланған, деп хабарлайды Ішкі істер министрлігіне сілтеме жасаған KAZ.NUR.KZ.
Ведомствоның ақпараттық медиа-порталында пайда болған ақпаратқа сәйкес, Қарағанды қалалық полиция басқармасы орталық полиция бөлімі қызметкерлері қарақшылық шабуыл жасады деген күдікпен 16-17 жас аралығындағы бір топ жасөспірімді ұстады.
Тергеу мәліметінше, ұсталғандар сабаққа бара жатқан 11 жасар оқушы қыздың ұялы телефонын алып, қылмыс орнынан жасырынған.
Ведомство күдіктілер мойындау айғақтарын бергенін және заттай дәлелдемелер алынғанын хабарлады. Қылмыстық іс қозғалды. Тергеу жүргізілуде.
Еске салсақ, бұған дейін Ақтауда 17 жастағы жасөспірім лифтіде бес және он үш жастағы қыздарға шабуыл жасады деген күдікке ілінгені туралы хабарлаған едік.
Зардап шеккен балалардың анасы оқиғаның 11 қазанда болғанын айтты. Оның айтуынша, жігіт қыздарды кіреберісте күтіп тұрған, содан кейін олармен бірге лифтке кірген.
Мақаланың түпнұсқасы: https://kaz.nur.kz/accidents/2179974-qaragandyda-11-zhastagy-oqushy-qyzga-shabuyl-zhasaldy/
