Алматы қаласы мен Алматы облысы аумағында жер сілкінді

Алматыда жер сілкінісі сезілді. Бұл туралы қала тұрғындары хабарлап жатыр. Бұл туралы KAZ.NUR.KZ хабарлайды.

ТЖМ Telegram-дағы арнасында Сейсмологиялык зерттеу институты ЖШС сейсмикалық станциялар желісі 2024 жылғы 5 қарашада Астана уақытымен сағат 10:01-де Алматы облысы мен Алматы қаласында жер сілкінісін тіркегенін хабарлады.

Зардап шеккендер мен қираулар туралы мәлімет түскен жоқ.

Жер сілкінісі кезіндегі 10 қарапайым қадам

1. Жер дүмпуі кезінде үрейленбеңіз;

2. Жер сілкіну кезінде лифт және баспалдақты қолданбаңыз;

3. Жиhаздан, терезеден, ары тұрыңыз;

4. Жасырынатын жерді табыңыз – жоғарғы қабаттарда негізгі іргелі қабырғалардың бұрышында орын алып жасырыңыз;

5. Ғимараттан шығыңыз (төменгі қабаттарда). Ал көп қабатты үйлерде жер сілкінісі аяқталған соң ғимараттан шығыңыз;

6. Кетер алдында суды, газды, электр қуатын мүмкін болғанша өшіріңіз;

7. Дабыл жол сандығын алыңыз (алдын ала дайындау қажет);

8. Электр желілерден, ғимарат, ағаштардан аулақ болыңыз;

9. Жер сілкінуіне дайын болыңыз;

10. Қарт адамдарға, балаларға, мүмкіндігі шектеулі адамдарға көмек көрсетіңіз.