Астанада екі жолаушылар автобусы соқтығысты: зардап шеккендер бар (видео)

Астанада Сығанақ пен Тұран көшелерінің қиылысында жолаушылар мінген екі автобус соқтығысты. Оқиға салдарынан екі адам зардап шекті, олардың бірі кәмелетке толмаған бала, деп хабарлайды қалалық полиция департаментіне сілтеме жасаған KAZ.NUR.KZ.

"12 қарашада Тұран даңғылынан Сығанақ көшесімен келе жатқан Higer жолаушылар автобусының жүргізушісі Тұран даңғылынан Сығанақ көшесіне келе жатып, жол және метеорологиялық жағдайды (көктайғақ) ескермей аялдамаға тоқтап, маршруттық автобуспен соқтығысуға жол берген.

Жол апаты салдарынан екі жолаушы зардап шекті, олардың бірі кәмелетке толмаған. Зардап шеккендер ауруханаға жеткізілді", - делінген хабарламада.

Медициналық тексерудің қорытындысы бойынша процессуалдық шешімдер қабылданады.

Еске салсақ, шілде айында Астанада жолаушылар автобусы мен жеңіл көлік соқтығысып қалған болатын. Салдарынан бір адам зардап шеккен еді.