Ақтаудағы ұшақ апаты: қанша адам аман қалғаны белгілі болды

Ақтау маңында болған ұшақ апатынан алдын ала ақпарат бойынша, 25 адам аман қалған. Бұл туралы Төтенше жағдайлар министрлігіне сілтеме жасаған KAZ.NUR.KZ хабарлайды.

Ұшпқ бортында барлығы 67 адам, оның ішінде 5 экипаж мүшесі болған.

Төтенше жағдайлар министрлігінің Telegram-дағы арнасынан белгілі болғандай, апаттың салдарын жоюға барлығы ТЖД, МӨСК,ПД-ның 150 жеке құрамы, 45 бірлік техникасы жұмылдырылды.

Жолаушылардың тізімі нақтылануда.

Айта кетейік, бұған дейін Ақтау маңында Бакуден Грозныйға ұшып бара жатқан ұшақ апатқа ұшырағаны хабарланған.

Ақтау қаласының маңында "Баку-Грозный" бағытындағы ұшақ апатқа ұшырады. Бұл ұшақ Azerbaijan Airlines авиакомпаниясына тиесілі", - делінген Көлік министрлігінің хабарламасында.

"Алдын ала ақпаратқа сәйкес, бортта 37 Әзербайжан, 6 Қазақстан, 3 Қырғызстан, 16 РФ азаматы болған", - делінген хабарда.

Мәтіннен қате тапсаңыз, бізге жазыңыз