"Күн сияқты сәулеңді шашып тұратынсың": жүргізуші Ақтаудағы ұшақ апатынан қайтыс болған әйел туралы айтты

Қазақстандық тележүргізуші Санди Сұлтан Ақтау түбінде ұшақ апатынан қаза тапқан құрбысы Гауһар Шаймерденоваға арнап қоштасу жазбасын жариялады, деп хабарлайды KAZ.NUR.KZ тілшісі.

Тележүргізуші Санди Сұлтан 25 желтоқсанда Ақтау маңында апатқа ұшараған Әзірбайжан әуе жолдарының ұшағында болған қазақстандық жолаушылардың бірі туралы Instagram желісінде жариялады. Қайғылы оқиғада қаза тапқан қазақстандықтардың тізімінде Гауһар Шаймерденова мен оның ұлы Эльдардың есімі бар. Гауһар ұлымен бірге Астанада қаласының тұрғыны екені анықталды.

"Сен ұлдарыңа ең жақсы Ана болдың... Ең қамқор, мейірімді Қыз болдың... Сен нағыз Доссың... Сен менің өмірімде жарқыраған сәуледей жарқ етіп, жақсы энергияңды шашып жүретінсің. .." деп жазды тележүргізуші Instagram парақшасында.

Сондай-ақ әйел марқұмның ұлы туралы – оның анасын қалай жақсы көретіні және оны жұмыстан үнемі күтетіні туралы да әңгімелеп берді.

"Жоспарларымыз, алдағы сапарларымыз көп еді... Сен менің жүрегімдесің. Бүгін мен саған жауап береді деген үмітпен жаздым ... бірақ сен 08:48-де желіде болдың да, мәңгі келмеске кеттің...", - деп жазды Санди Сұлтан.

Қазақстан Республикасының Оқу-ағарту министрлігі де қаза тапқандардың туыстары мен жақындарына көңіл айтты.

Айта кетейік, кеше 25 желтоқсанда Ақтау маңында Бакуден Грозныйға ұшып бара жатқан ұшақ апатқа ұшырады.

Ішкі істер министрі Ақтаудағы ұшақ апатын тергеуді бақылауға алды.

Кейін Ақтаудағы ұшақ апатынан қанша адам қаза тапқаны белгілі болды. Алдын ала мәлімет бойынша, олардың саны 38-ге жеткен.