Павлодар облысында сәби шелектегі суға тұншығып қалды

Павлодар облысында бір жасқа толмаған сәби шелекке батып көз жұмды. Оқыс оқиға ауылдық жерде болған. Оның үстіне бұл жыл басынан бері тіркелген екінші қайғылы оқиға, деп хабарлайды Павлодар облыстық балалар ауруханасына сілтеме жасаған KAZ.NUR.KZ.

Дәрігерлердің айтуынша, бір жағдайда дер кезінде жетіп, сәбиді аман алып қалған, содан кейін оны медициналық авиация Павлодарға алып кеткен. Бүгінгі таңда оның жағдайы тұрақты. Алайда екінші бір сәбиді құтқару мүмкін болмады – ол шелекке батып кеткен.

"Балалар ваннада, қоқыс шұңқырларында, шағын аула бассейндерінде суға батып, анасымен бірге ұйықтап, баланы емізу кезінде асфиксиядан қайтыс болған, нәресте төсекте жатып, өзіне жастық, көрпе лақтырғанда тұншығып өлген жағдайлар болған", – деп хабарлады Павлодар облыстық балалар ауруханасынан.

Мұндай қайғылы оқиғалардың басты себебін дәрігерлер ата-аналардың абайсыздығынан екенін айтып, балаларды қараусыз қалдырмауды сұрады.

Мәтіннен қате тапсаңыз, бізге жазыңыз