Шымкентте пәтерден үш адамның денесі табылды

Шымкенттің Восток ауданындағы пәтерден бір отбасының үш мүшесінің денесі табылды. Олар табиғи газдан уланған болуы мүмкін деген болжам бар, деп хабарлайды Otyrar.

Қалалық төтенше жағдайлар департаментінің мәліметінше, төтенше жағдайлар қызметіне марқұмдардың көршілері хабарласқан.

"8 ақпанда сағат 16:36-да 112 жедел жәрдем қызметіне бір пәтердің тұрғындары байланысқа шықпай жатқаны және есік ашылмағанына көп уақыт өткені туралы хабарлама келіп түсті. Оқиға орнына құтқару тобы жіберілді. Есікті ашқаннан кейін құтқарушылар пәтерден үш адамның денесін тапты. Тиісті орган қызметкерлер шақырылдыә, - дейді Төтенше жағдайлар департаменті баспасөз қызметінің өкілдері.

Қазіргі уақытта оқиғаның барлық мән-жайы анықталуда.

Қайғылы жағдай табиғи газдан уланудан болуы мүмкін деген болжам бар. Қылмыстық әрекеттердің ешбір белгісі табылған жоқ.

Мәтіннен қате тапсаңыз, бізге жазыңыз