Абай облысының тұрғыны интимді фотосын таратпау үшін танысынан 1 млн теңге бопсалаған

Абай облысында танысының интимдік фотосын таратамын деп бопсалаған тұрғын ұсталды, деп хабарлайды Polisia.kz Telegram арнасында.

Ведомствоның хабарлауынша, ПД ұйымдасқан қылмысқа қарсы күрес басқармасының қызметкерлері облыс орталығының тұрғынын ұстады.

Ол шілде айының ортасынан бастап танысының "интимдік фотоларын таратамын" деп, 1 млн теңге бопсалап келген.

Тергеу әрекеттері барысында 150 000 теңге тәркіленді.

"Күдіктінің әрекеттері 4 жылға дейінгі мерзімге бас бостандығынан айыру түріндегі қылмыстық жазаны көздейтін Қылмыстық кодекстің 194-бабы 1-бөлігі "Бопсалау" бойынша сараланады", - деді полициядан.