Мұғалімдер гуманитарлық көмекті ұрлап жатыр деп жалған хабар таратқан петропавлдық жазаланды
Опубликовано:
Петропавл тұрғыны мұғалімдер гуманитарлық көмекті ұрлап жатыр деп жалған хабар таратқаны үшін жауапқа тартылды. Бұл туралы Polisia.kz Telegram-дағы арнасында хабарлады.
Ведомство мәліметінше, WhatsApр чаттарда 27 жасар азаматтың мектеп мұғалімдері гуманитарлық көмекті ұрлауда деген дауыстық хабарламасы тараған.
Мектеп директорының полицияға шағымынан соң тексеру жүргізіліп, ақпараттың жалған екені анықталды. Кінәлі азамат әкімшілік жауапкершілікке тартылып, сот шешімімен оған 10 АЕК – 36 920 теңге айыппұл салынды.
Осы орайда, тәртіп сақшылары жалған ақпарат таратқаны үшін жауапкершілік қарастырылғанын еске салды.
- Су тасқыны: қанша қазақстандық отбасына көмек берілді
- Еуропалық одақ Қазақстандағы тасқын судан зардап шеккендерге гуманитарлық көмек жібереді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2088212-mugalimder-gumanitarlyq-komekti-urlap-zatyr-dep-zalgan-xabar-taratqan-petropavldyq-zazalandy/