Павлодардағы кадет мектебінде жаппай төбелес болып, үш оқушы жараланған

Павлодарда кадет корпусындағы төбелес кезінде үш оқушы зардап шекті. Полиция қылмыстық іс қозғады. Бейресми ақпарат бойынша, төбелеске кемінде 40 оқушы қатысқан. Бұл туралы KAZ.NUR.KZ хабарлайды.

Төбелес туралы ақпаратты Telegram-дағы kerek.pv арнасы жариялады. Жазбада кадет корпусында "кем дегенде 40 адам қатысқан" жаппай төбелес болғаны айтылған. Telegram-дағы ақпарат бойынша, үш жасөспірім түрлі жарақаттармен ауруханаға түскен.

Павлодар облысының полиция департаменті жазбадағы Қабанбай батыр атындағы облыстық мамандандырылған "Жас сарбаз" мектеп-лицей-интернатында болған төбелес фактісін растады.

"Тергеу барысында полиция қызметкерлері кабинеттердің бірінде төбелес болғанын анықтады. Үш оқушы дене жарақатын алды. Оқушыларға медициналық көмек көрсетіліп, кейін үйлеріне жіберілді", - делінген ведомство хабарламасында.

"Бұзақылық" бабы бойынша қылмыстық іс қозғалып, сараптамалар тағайындалды. Алайда полицейлер төбелеске қанша адам қатысқанын хабарлаған жоқ.

Мәтіннен қате тапсаңыз, бізге жазыңыз