"20 адам үш жасөспірімді соққыға жыққан": полицейлер Тараздағы төбелеске қатысты түсініктеме берді

Жарияланған күні: 13 қазан 2024, 18:30

Төбелесіп жатқан адамдар — Төбелес. Көрнекі фото: mrohana/Getty Images

Желіде Таразда 20 адам үш жасөспірімді соққыға жыққаны туралы ақпарат тарады. Жамбыл облысының полиция департаменті бұл ақпаратқа қатысты пікір білдірді, деп жазады KAZ.NUR.KZ тілшісі.

"Әлеуметтік желіде тараған "20 адам 3 жасөспірімді ұрды" деген ақпарат шындыққа жанаспайды", - деді полиция қызметкеткерлері.

Бір топ адам жасаған бұзақылыққа қатысты қылмыстық істі тергеп жатқаны хабарланды. 14 пен 16 жас аралығындағы 3 күдікті анықталды.

Облыстық ПД мәліметінше, бұл іске кәмелетке толмаған тағы 4 баланың қатысы бары тексеріліп жатыр.

"Зардап шеккендердің тізімінде екі адам бар - 13 жастағы жасөспірім мен 21 жастағы жасөспірім. Олардың жағдайы тұрақты", - делінген хабарламада.

Мақаланың түпнұсқасы: https://kaz.nur.kz/accidents/crime/2173686-20-adam-ush-zhasospirimdi-soqqyga-zhyqqan-politseiler-tarazdagy-oqigaga-qatysty-tusinikteme-berdi/