Ақтауда мейрамханада әйелді ұрған ер адам ұсталды (видео)

Ақтауда жедел-іздестіру шараларының нәтижесінде әйелді ұрып-соққаны үшін күдікке ілінген азамат ұсталды. Бұл туралы KAZ.NUR.KZ Маңғыстау облысының полиция департаментіне сілтеме жасап хабарлайды.

Ведомствоның баспасөз қызметінде хабарлағандай, жедел-іздестіру іс-шаралары барысында Ақтау қаласының полицейлері қарақшылық жасап, адам ұрып-соққаны үшін күдікке ілінген азаматты анықтап, қамауға алды.

Қазір күдікті Ақтау қалалық полиция басқармасы уақытша ұстау изоляторына қамалды.

Іс бойынша тергеу жалғасып жатыр. Оқиғаның барлық мән-жайы анықталуда.

Еске салсақ, Ақтаудағы мейрамханалардың бірінде белгісіз ер адамның жұрт көзінше келіншекті ұрып-соққаны бейнебақылау камераларына түсіп қалған болатын.

Облыстық полиция оқиғаға қатысушылар анықталып, полицияға жеткізілгенін хабарлаған болатын.

Кейін Ақтауда соққыға жығылған келіншекке қатысты істі прокуратура өз бақылауына алды.

Мәтіннен қате тапсаңыз, бізге жазыңыз